Ken Levine المطور اللي قدملنا سلسلة Bioshock اعلن من فترة انه شغال علي لعبة جديدة و من خلال مقابلة مع Game informer وضح خططه بخصوص اللعبة.
التفاصيل اللي قالها ركزت بشكل كبير علي الشخصية الرئيسية في اللعبة اللي هتكون مشاعرها و تطلعاتها و احتياجتها بتطور بشكل متعرضش في اي لعبة قبل كده و هتكون غير متوقعة بحيث انها مش هتاخد جانب يتوصف بانه اسود او ابيض لكن هيكون حاجة بين الاتنين .
و هيكون تفاعل اللي بيلعب مع جوانب الشخصية في اللعبة كبير جدا بحيث انه عنده القدرة علي تجاهل جزء من الاحتياجات الخاصة بشخصية اللعبة او انه يكون ضدها و بكده تتغير مشاعر الشخصية مع الوقت تجاه اللي بيلعب.
لحد اللحظة دي نوعية اللعبة و ايه شكل الجيمبلاي اللي هيخلينا نتفاعل مع الشخصيات بالشكل الغريب دا موضحش لكن كل اللي نعرفه انها هتكون لعبة معتمدة علي القصة بشكل كبير و امكانية اعادتها اكتر من مرة عالية جدا و فيها عناصر خيال علمي.
