رئيس Take-Two Interactive تحدث في تفاصيل جدا خلال محادثة مع المستثمرين و نشر تفاصيل عن سياسة Rockstar Games في التعامل مع فكرة تطوير Remasters للـ لعب GTA السابقة زي San Andreas و GTA III.
الشركة وضحت إنهم مش ضد الفكرة خالص ولكن مش متحمسين جدا ليها. الشركة هتشتغل على فرصة زي ديه لو هم متأكدين بنسبة 100% إن الـRemaster شكله ممتاز.
Strauss Zelnick رئيس Take-Two Interactive وضح بالتفاصيل فكرة التعامل مع حاجة زي كده من وجهة نظر Rockstar عندما تم سؤاله هل هيبقى في نسخ Remastered من Vice City و GTA III على الجيل الحالي. Zelnick أكد إن Rockstar Games هيتخذوا قرار في الوقت المناسب و حذر إن Rockstar مش هيعملوا حاجة شكلها مش هيبقى كويس ‘ابداعيا’.
نقطة البداية هي, ‘هل ده هيبسط المستهلك, هل شكلها هيبقى كويس؟’ انتم عارفين إن احنا مش شركة أول نقطة تفكير عندها ‘هل احنا هنقدر نعمل فلوس من حاجة ديه؟’ احنا دايما بنبدأ بـ ‘هل ده هيبقى شيء مثير للمستهلك, هل هيبقى سعيد بيها, هل ده هيحسن من اسم الشركة و سمعتنا؟’ لو الاجابة نعم, فـ ديه ممكن تبقى فرصة كويسة جدا. ولكن لو الاجابة مختلفة أو لأ, فـ حتى لو احنا عندنا الفرصة إن احنا نعمل شوية فلوس فـ هنرفض الموضوع. المنظور اللي احنا بنبص منه, هو القرارات اللي بيتم اتخاذها من Rockstar و 2K و باقي ستوديوهاتنا.
واضح جدا من التصريح إن Rockstar Games لو شايفين فرصة كويسة أو الناس عايزة حاجة زي كده جدا جدا, هيعملوها. ولكن لا تتوقعوا إن Take-Two هتضغط على Rockstar من اجل شيء زي ده عشان يعملوا فلوس سهلة و ده بسبب تقديرهم لـ علامة GTA و Rockstar.
