من اكتر الالعاب المنتظر نزولها للبلاي ستيشن 4 هي Uncharted 4 و ناس كتير مستنية معاد نزول اللعبة.
علي المدونة الرسمية الخاصة بالبلاي ستيشن المخرجين Bruce Straley و Neil Druckmann حددو فترة نزول اللعبة في ربيع 2016 , و قالوا ان من ساعة ما تم عرض الجيمبلاي الخاص باللعبة جزء كبير من قصة اللعبة و الجيمبلاي تم ربطهم ببعض و الشكل العام للعبة بدأ يوضح و بقي اكبر من الرؤية اللي كانت في ذهنهم ناحية اللعبة.
اللعبة المفروض انها هتكون بشكل كبير فصل نهائي للسلسلة و لابد من وقت اطول عشان تاخد العناية المعتادة من Naughty Dog بالعابها و العناية بالتفاصيل و القصة و تبقي اللعبة في الاخر بنفس حجم توقعات عشاق السلسلة.
المخرجين شكروا في النهاية صبر الناس علي الوقت اللي هيتم تطوير اللعبة فيه مع العلم ان اقرب فرصة ممكن نشوف فيها عرض جديد للعبة في 2016 لانهم هيبتدوا في عمل مستمر طول 2015 عشان قصة Nathan Drake تنتهي بافضل شكل ممكن.
