الـDemo اللي كان نزل لـْFFXV كان في مشاكل في Frame rate ولكن تم تحسين اللعبة في نسخة 2.0 خلال Gamescom.
وخلال Gamescom موقع Dualshockers قام بمقابلة مع مخرج اللعبة Hajime Tabata وتم سؤاله عن أداء اللعبة على PS4 و Xbox One و إيه أخبار محاولة انه يشغل اللعبة على 1080p 30fps.
الاجابة الصريحة هي إن في فرق بين الجهازين. من الممكن إن احنا نكون لسة مستخدمناش قوة الجهازين بالكامل, ولكن احنا شغالين على كده.
لو هنزلها على جهاز واحد, ونشتغل على الـOptimization و ظبط وتحسين اللعبة و تكنولوجية جهاز واحد, فـ الوصول للمطلوب هيبقى ممكن جدا جدا.
ولكن عشان احنا شغالين على لعبة هتنزل على جهازين حاليا, أنا مقدرش أكد أو اضمن لأي حد إنها هتبقى شغالة على كده على كل الأجهزة.
ولكن من ناحية تقنية احنا وصلنا لمرحلة ممكن نأكد فيها إن اللعبة شغالة على 30fps ثابتة زي Duscae 2.0.
Tabata-san أكد برضه إن الوصول إلى 60fps على Consoles هيبقى للاسف مستحيل. في لعبة عالم مفتوح, فيها قتال ومغامرات كثيرة, ومؤثرات خاصة كثيرة واجسام متحركة وشخصيات فـ الوصول إلى 1080p/60fps هيحتاج PC عالي جدا.
وخلال حديثه عن PC, فـ Tabata-san لم يؤكد إن اللعبة هتنزل على PC دلوقتي, وإن حاليا مفيش أي خطط لاصدار اللعبة على PC, وده بسبب إن ظبط اللعبة على الـPC مختلف عن Consoles.
وفي الوقت الحالي الفريق مركز على ظبط اللعبة على Consoles. الفريق حاسس إن في ناس كتير مستنية اللعبة لمدة كبيرة قوي, فـ من المهم إنها تبقى جاهزة قريب.
أول ما نسخة Consoles تنزل, هيفكروا في الخطوة اللي جية, وهيتم وضع نسخة الـPC تحت الاعتبار.
Tabata-san مهتم جدا بـSteam, لانه هيسمحله بالوصول إلى معظم الناس على PC, فـ هيحاول انه يخلق فرص من اجل استخدام Steam في المستقبل
