ستوديو 343i كشف إن Halo 5: Guardians هتشتغل على Resolution مش ثابتة وهتبقى متغيرة عشان تحافظ على الـ60fps.
لما Halo 5: Guardians تنزل في أكتوبر, مش هتبقى ثابته على Resolution معينة. بدل كده, اللعبة هتستخدم Resolution متغيرة كده.
60fps Gameplay هيبقى مدعم عن طريق نظام جديد هيسمح لينا إن احنا دينامكيا نغير دقة العرض الخاصة باللعبة خلال كده ممكن اللعبة تـRender على 1080p مثلا وكل ده على حسب احتياجات المشهد اللي قدامك.
في Campaign مثلا ممكن تكون في مكان معين بتلعب على 1080p, ولكن لو هيبقى منطقة مليانة عربيات و مؤثرات بصرية, ومعارك كده هنقلل في Resolution عشان اللعبة تفضل على 60fps.
343 قالوا إن من غير النظام ده, كانوا هيقللوا حجم مهمات الـCampaign أو يقللوا جودة الـassets الخاصة باللعبة. النظام الجديد ده بيمنع ده من حصوله حسب 343i.
Halo 5: Guardians هتنزل 27 أكتوبر على Xbox One.
