تطوير نسخة الـWiiU من PROJECT CARS مر بمشاكل كتيرة اتكلم عنها الستيديو المطور في الفترة اللي فاتت.
ببساطة اللعبة بتطلب منصة اقوي من قدرات الـWiiU لدرجة ان اللعبة حسب ما اتقال قبل كده مش قادرة تشتغل باداء مقبول علي دقة عرض 720p.
ستديو Slightly Mad اعلن من ساعات عن الغاء تطوير اللعبة للـWiiU و نشر رد رسمي علي الموضوع و قال ان علي رغم انتظار ملاك الـWiiU للعبة الا انهم من المستحيل يصدروا اللعبة و هي تعتبر اقل بكتير من معايير الجودة الخاصة بيهم .
الستيديو اكد انهم في انتظار اعلان Nintendo عن منصة جديدة بهاردوير قوي يخليهم يقدروا يطوروا اللعبة من جديد.
