من فترة Ubisoft كانوا اكدوا علي ان المحتوي الاضافي و دعم لعبة Rainbow Six Siege هيستمر للسنة التانية من بعد اصدارها, و الشركة بدأت في التلميح لاول محتوي للسنة الثانية بأسم Operation Velvet Shell.
الاعلان عن المحتوي الاضافي هيكون من خلال مسابقة Six Invitational و تم عرض صور لغرض التلميح لطبيعة الخريطة الجديدة و اللي تقريبا هتكون في مكان فيه حمام سباحة فا من الممكن تكون قصر مثلا.
عموما المسابقة اللي هيتم عرض فيها المحتوي هتكون من يوم 3 فبراير ليوم 5 فبراير و هيتم عرضها بشكل مباشر علي قناة اللعبة علي موقع Twitch
