Strongold Crusader 2 اتجهت في اتجاه مختلف عكس العاب RTS كتير و اتجاه محتلف حتى عن الجزء اللي فات, اللعبة ديه ملهاش أي قصة على الاطلاق. طبعا الطريقة الغير اعتيادية ديه ممكن تخليك تقول هل العب اللعبة ديه ولا لأ؟ أنا ممكن اقولك إن ديه حاجة متقلقش منها خالص. كمل معايا في المراجعة وهتعرف ليه.
Stronghold دايما بتبقى صعبة للاعبين اللي هيلعبوها لأول مرة وبتحتاج صبر جامد من اللاعبين الجدد. ستوديو Firefly قرر انه يحط Tutorial كتجربة لعب فردي. الـTutorial, اللي متقسم لمهمات, هيعلمك ميكانيكة اللعبة, بمعنى اصح كل حاجة في اللعبة هتعرفها و بالتأكيد هتخليك جاهز للمعركة في عالم الـMultiplayer.الـTutorial مش ممل خالص و هو حاجة لازم تجربها عشان تفهم كل حاجة في اللعبة.
أنا عايز اقولك المفروض إنك لا تسيء فهم. الـ”Tutorial” هو آه Single player campaign وفيه تحديات قوية عشان يختبر مهاراتك. و في طور Skirmish هيبقى بالتأكيد تحدي ليك لما تلعب ضد AI قوي. أنا لازم اقولك إن اللعبة في الشام/الشرق الأوسط. فـممكن إن إنت كده ممكن تحتل القدس.
اللي هتتعلمه من Campaign و طور Skirmish إنك لازم تتعامل بسرعة مع اقتصادك وناسك. أول ما تتحكم بالاتنين وتقدر تسيطر عليهم, لازم تبدأ في عملية بناء جيشك اللي هيدافع عنك وعن ناسك. الجيش مش دفاعك الوحيد في اللعبة, القلعة برضه. اللعبة هتخليك تبني قلاع رائعة وهتديك حرية كاملة في تصميمها زي ما أنت عايز (طول ما أنت معاك المصادر الكافية).
أنا ذكرت إنك لازم تبني جيشك عشان الدفاع, ولكن ده مش الهدف الرئيسي. الهدف من جيشك هو الهجوم عشان تقدر تغلب عدوك. صناعة الجيش من رأي هي اهم الجوانب اللي في اللعبة. الجانب ده من اللعبة ممتاز جدا, ولكن بيحتاج معرفة كبيرة منك عن إزاي تبني جيشك.
الهجوم ممكن يتم عمله من جنود عادية, جنود مسلحة, رامي اسهم, رامي اسهم, وهكذا. كل واحد من دول لي إيجابيات وسلبيات. وطبعا أنت تقدر تبني آلات حرب اللي هتعمل ضرر كبير في عدوك. المنجنيق ممكن تستخدمه في نشر الأمراض في منطقته (بقرة مصابة بمرض ممكن تترمي عنده). أو ممكن ترمي صخور على حائط القلعة بتاعه. أول مايبقى في حفرة/ثقب في الحائط, جنودك هيقدروا يدخلوا لمنطقة العدو.
لو بتفضل إنك تبني قلاع قوية وجميلة بتصميم رائع, ممكن تلعب طور Castle Sandbox. الطور ده بيخليك تبني قلاعك من غير أي عدو حواليك. هل هتبقى قادر إنك تبني اعظم قلعة؟
في أي حالة, اللعبة بتيجي على مستوى صعوبة علي جدا. اللعبة بتحتاج مهارة وصبر من اللاعب. ولكن ده سبب إن في طور تعليميم في اللعب. بجانب Campaign اللي بتعلمك اللعبة في سلسلة من المهمات, في سلسلة من الخرائط بتحط اللاعب ضد عدو AI معين وهيقدم ساعات من المعارك اللي هتساعدك في إنك تصمم التكتيك الستراتجية بتاعتك. وده بالطبع هيقدر يخليك تحضر للـOnline Multiplayer واللي فيه هتحارب اعداد غير متناهية من اللاعبين وهيبقوا بالطبع عايزين يغلبوك.
في حاجات بتبقى شيقة جدا و آسره في أي RTS وهي لما توصل لأعلى نقطة في المعركة, لما المعركة تبقى قوية جدا وفي تبادل هجمات, أول ما يبدأ يظهر عيوب في دفاعات عدوك. الاحساس ده كله ستوديو Firefly قدر يستحوذ عليه ويحطه في اللعبة بشكل جميل جدا.
في الحديث عن Multiplayer, ستوديو Firefly حط طور Multiplayer جديد و في اللاعبين يقدروا يلعبوا Coop فيه اتنين ممكن يسيطروا على نفس القلعة, المصادر والجيش. وده بيساعد على إن اللاعبين يقسموا المهمات اللي وراهم عشان يقدروا يبنوا جيش ممتاز ودفاع قوي, يقدروا بالشكل ده يقسموا بينهم وبين بعض واحد يبقى ماسك الاقتصاد والجيش, وواحد للمصادر. وده ممكن يتعمل في طور Skirmish و مباراة عادية في طور Multiplayer.
اكبر تغير في المقارنة مع الجزء الاول هو التنقل من 2D graphics إلى 3D Graphics. اللعبة دلوقتي بتقدم معركة ممتازة وخرائط رائعة تقدر تستكشفها في طريقة جديدة تماما. بالطبع 3D Camera هي حاجة موجودة في لعب RTS من زمان, ولكن الحقيقة تقال, إن ديه حاجة جديدة في سلسلة Crusader. التحديث في Graphics مش حاجة هتخليك تقول WOW, ولكن هي حاجة كويسة جدا للاعب RTS. Stronghold Crusader 2 ممكن متبقاش اجمل اللعب من ناحية الـGraphics في نطاق لعب الستراتيجي أو فيها أحسن سرد, ولكن الحاجات ديه مش حطهم أوي مع اللي هياخد وقت عشان يعتاد عليه .
الحكم النهائي:
Stronghold Crusader 2 هي لعبة RTS جيدا جدا وبتقدم تنوع كتير جدا وجيد. ممكن تبان إنها صعبة في الاول, ولكن مش هبتقى مشكلة مع الوقت لما تلعب اللعبة كتير. Graphics مش اللي تقدر تقول عليها عظيمة أو كويسة جدا … ولكن هي مقبولة. لو بتدور على لعبة ستراتجي كويسة جدا على الـPC و عايز تحدي ليك في offline و online, يبقى أنا بنصح إنك تلعب Stronghold Crusader 2.
