Respawn Entertainment اكدوا اخيرا تطويرها للجزء التاني من لعبة Titanfall و في مقابلة مع IGN مؤسس الستيديو Vince Zampella اكد ان اللعبة بتطور و هتكون موجودة لاجهزة الجيل الجديد بما فيها البلاي ستيشن 4 , يعني اللعبة شبه حصريتها للـXbox One انتهت.
Vince Zampella اكد برضوا انهم هيطوروا اللعبة بحيث ان الناس تخش عالم اللعبة بشكل اكبر و افضل و تفهم خلفية الاحداث و من الممكن تكون خرايط اللعبة تنزل بشكل مجاني مع الوقت بحيث انهم مش في نيتهم ارتكاب غلطة حصلت مع اول جزء و هي قسم مجتمع اللعبة لنصين و دا سبب مشاكل في الـMatchmaking معاهم.
و كمان قال انهم بيحاولوا يخلوا الـSingle Player جزء من تجربة اللعبة لكن لسة تطوير اللعبة مدخلش المرحلة دي.
