علي مدار العشرين سنة اللي فاتو شركة Ubisoft كانت مقدمة سلاسل مميزة و كان اهمهم الالعاب المعتمدة علي الخيال العسكري و الاستخباراتي للكاتب Tom Clancy و كانت من اهم الالعاب المتأثرة بكتبه هي سلسلة Ghost Recon اللي نزل اول جزء منها من حوالي 16 سنة.
السنة دي عندنا جزء جديد من السلسلة و بيرجع بشكل و اسلوب جديد تماما بكون اللعبة عالم مفتوح و معتمدة اكتر علي الـCOOP. في تعليقات كتيرة ممكن تحصل في مناقشة نقطة علاقة و ارتباط الجزء دا بالشكل و الفكرة العامة للسلسلة و لكن لو اخدنا اللعبة بشكل مجرد من اي اعتبارات شخصية هنلاقي ان في نقط تخص اتجاه و رؤية Wildlands عموما عليها تعليقات لابد نتكلم عنها سواء بشكل سلبي او ايجابي.
تجربتي للعبة بشكل اساسي كان علي الـPC و معظم الملحوظات مرتبطة بالنسخة دي تحديدا بالاضافة اني حاولت اعرف علي الجانب التاني مع الـConsoles وضع اللعبة كان نظامه ايه.
