لعبة The Last Guardian تاني لعبة بتنزل في خلال اخر 2016 من بعد فترة انتظار طويلة استمرت لمدة 7 سنين من ساعة الاعلان الاول ليها في E3 2009
The Last Guardian من اخراج Fumito Uedaاللي كان ليه العاب مهمة جدا علي البلاي ستيشن 2 زي ICO و Shadow of the Colossus و اللي يعتبروا من افضل الالعاب اللي كانت موجود في الجيل دا وقتها و الاعلان الاول للعبة The Last Guardian كان في الاساس للبلاي ستيشن 3 و و اللعبة تطويرها كان بطئ بسبب ان ستيديو genDESIGN مطور اللعبة شافو ان البلاي ستيشن 3 محدود تقنيا بشكل ممكن اه يطلع الرؤية الكاملة بتاعتهم بس بمشاكل تقنية كتيرة جدا فا المشروع ساعتها اتأجل لحد ما اتطور البلايستيشن 4 عشان اللعبة تطور عليه بدون اي مشاكل.
و اخيرا اللعبة نزلت و كانت الحقيقة تجربة مميزة جدا علي رغم من بعض العيوب اللي شفتها طول فترة لعبي.
