الجزء الاول من Watch Dogs مكنش وحش علي رغم ان في جوانب كتير في اللعبة لو كان تم استغلالها بشكل افضل كانت من الممكن تبقي اللعبة مقدمة تجربة مميزة , و يمكن الجزء الاول كمان كان بيعاني برضو من التصميم المعتاد لالعاب العالم المفتوح اللي شوفناها من Ubisoft علي مدار السنين اللي فاتت اللي كان يعتبر قالب واحد بيتم اعادة استخدامه. لكن الجزء التاني من ساعة لما تم الاعلان عنه و فريق التطوير و هو بياكد ان اكتر من مرة انهم انتبهو للانتقادات و اعترفوا بيها و اشتغلو اكتر علي انهم يحسنو تجربة اللعبة من جوانب كتير.
اه اقدر اقول ان فعلا الجزء التاني بيقدم تقدم ملحوظ علي تجربة الجزء الاول لكن لانهي مستوي دا اللي هتعرفوه من خلال المراجعة :
