Marc Laidlaw كاتب قصة الجزء الاول و التاني من سلسلة Half Life في شاشاعة بتنص علي استقالته من شركة Valve.
اللي حصل هو تسريب بعض الايميلات الغير مؤكد صحة صلة Marc Laidlaw بيها بيأكد من خلالها انه مش شغال في شركة Valve سواء بشكل جزئي او كامل و معدش داخل في دايرة اتخاذ القرار ولا يقدر يصرح بأي معلومة نيابة عن الشركة.
مجموعة الايميلات من الممكن اي حد يطلع عليها من هنا و طبعا اي اخبار تخص لعبة Half Life مؤخرا محاطة بالغموض و عدم وجود اي رد رسمي خصوصا مع وجود اشاعات بعدم رغبة الشركة في انتاج جزء تالت من السلسلة خوفا من عدم الوصول لتطلعات الناس بخصوص جزء جديد من اللعبة و احباطهم.
