اراء و انتقادات كتير الناس وجهتها للبيتا بتاعت Battlefield Hardline في جوانب كتيرة من الجيمبلاي ادت في الاخر لاطلاع ستديو visceral games عليها و الاعتراف بيها و كمان وضحوا ازاي ممكن يحلو المشاكل دي :
- الحركة: اراء الناس بتقول ان الحركة في اللعبة نوعا ما تقيلة, الحل اللي الاستيديو قدمه ان الحركة هتبقي اسرع 10% و هيبقي في 10% زيادة في حالة لو حد بيلعب مسك مسدس في ايده و هو بيجري.
- Suppression: من اكتر الحجات اللي بتثير جدال كبير من ساعة battlefield 3 و الانتقادات في Battlefield Hardline ان الشاشة كانت بتتحرك حركة بسيطة بس مزعجه و انت بتضرب النار , التغيير اللي هيحصل ان معدش في تأثير علي الـAiming تماما بعد كده.
- ادوات الـSurvivalist:من ضمن الحجات اللي علي حسب وصف الاستيديو ليها اكتر من جانب سواء ناس كرهتها او حبتها, الاستيديو اعترف بانها Overpowered و المشكلة هتتصلح بأن اي حد لما يجي يعمل Revive لنفسه هيقوم الـhealth بتاعه 1 و الـReviving هيتم بعد 5 ثواني.
- اهتزاز الكاميرا وقت وقوع السقالة:لما بيجي يحصل الـleveloution الخاص بخريطة High Tension بيحصل ان الكاميرا بتتهز بشكل مرعب , الاستيديو قرر يقلل الاهتزاز لاقل حد ممكن.
- مشكلة السلالم في خريطة high Tension: في بعض الاحيان السلالم في الخريطة بتشد اللي بيلعب ناحية الحيطة كانه بيتزحلق كده مثلا
- مشكلة الحجات المتعلقة في الهوا : في بعض الاحيان في زي 3D objects بتبقي متعلقة في الهوا
- اضافة عربيات مميزة في اللعبة : الاستيديو قرر اضافة عربيات مميزة في كل خريطة زي عربيات شحن البنزين الكبيرة
- حل مشكلة العربيات اللي مش بترضي تتحرك : كان في مشكلة ان العربيات في بعض الاحيان مش بترضي تتفاعل معاك و تسوقها و بعض الناس حلوها بانك تضربيها بالـMelee
- حل مشكلة تدمير العربيات المدرعة : العربيات التقيلة و المدرعة في اللعبة كانت من المستحيل انك تتعامل معاها بسلاح عادي , الاستيديو قرر اضافة زي نقاط ضعف في شباك العربية من قدام.
- اضافة ايقونة لاي حد شايل شنطة الفلوس جوا العربية : الاستيديو قرر يضيف حاجة تخلي الناس تعرف مين شايل شنطة في الفلوس بالتحديد جوا العربية.
