Ninja Theory مطور لعبة Hellblade في فيديو يوميات تطوير جديد عرضوا التقنيات المستخدمة في اللعبة الجديد لالتقاط حركة الممثلين و نقلها جوا محرك اللعبة.
و عشان اكون صريح معاكم انا الصراحة انبهرت باللي عرضه الفيديو من بعض الامكانيات البسيطة المتاحة في ايد الاستديو و بعض الدوات اللي صمموها بنفسهم بمكونات بتتباع علي Amazon و ادوات مطبوعة بشكل ثلاثي الابعاد, و كل دا من فريق متكون فقط من 13 شخص !!
الفيديو الصراحة عارض مجهود اكتر من ممتاز بيتعمل في اللعبة و تقنيات للقط حركة الوجه بشكل واقعي جدا , فا لازم تشوفو الفيديو دا.
و المشكلة ان الموضوع مش مفهوم ازاي مطور بالشكل دا طلع منه العاب في الفترة اللي فاتت زي DmC و Heavenly Sword يكون واقع تحت ميزانية بسيطة بالشكل دا !! بس الجانب المشرق في الموضوع ان بالميزانية البسيطة دي وصلوا لمستوي ممتاز.
اللعبة المفروض انها هتنزل للـPC و الـXbox One السنة دي.
