الـ3 سنين اللي فاتو كانو بالنسبة لسلسلة زي Call of Duty اهم 3 سنين مروا عليها بعد لما السلسلة في 2007 اثبتت نفسها بكونها عملاق جديد في الـ Multiplayer Shooters بدأنا نشوف السلسلة بتكرر نفسها كل سنة بنسب مختلفة
فا التغيير كان مطلوب و مع بداية الجيل دا التغيير جه من خلال 3 العاب كان من خلالهم تجربة جديدة علي السلسلة بدمج افكار خيال علمي في أساليب الحركة و الاسلحة و خلافه و علي رغم من التغييرات دي الا ان السلسلة عانت برضو من بعض الاخطاء عانت من عدم ارضاء الناس اللي بيحبو السلسلة و خصوصا مع Infinite Warfare
و جه من بعدها خطوة الرجوع لجذور السلسلة مع فترة الحرب العالمية التانية خطوة ممكن تكون مفهاش حالة وسط يا اما انت بترجع لورا في تصميمك للعبة و افكارها و مش بتخاطر يا اما تحاول تعيد ابتكار السلسلة بافكار جديدة معتمدة علي الفترة التاريخية دي
و Call of Duty World War 2 كانت الحقيقة بتحاول انها تعيد ابتكار نفسها لكن لانهي مستوي ؟ هنشوف مع بعض
