سلسلة Far Cry من ساعة تقديمها للجزء التالت سواء هي او سلسلة Assassin’s Creed ممكن نقول انهم حطو الشكل العام لاي لعبة عالم مفتوح بنلعبها من Ubisoft و بقو بيقدمولنا اللي احنا بنقول عليه ديما في السنين الاخيرة Ubisoft Formula اللي بدا يظهر تاثيرها علي العاب شركات تانية
و لكن في بعض الالعاب من Ubisoft مؤخرا بتحاول انها تغير شوية في اللي قدمته التركيبة دي من 2012 و كان عندنا امثلة زي Watch Dogs 2 و Assassin’s Creed Origins و معظمنا اكيد منتظر التغيير اللي هتتعرضله Far Cry
و الجزء الخامس مع نزوله كان منتظر منه حجات كتير سواء علي جانب القصة و ان احنا نرجع لقوة عرضها من الجزء التالت او تغييرات تخلينا منحسش ان احنا بنلعب نفس التجربة التقليدية و في خلال المراجعة هنشوف اللعبة قدمت ايه و كان مستواه ايه برضو.
